جراحة ولا دايت؟
كتير مننا لما بنزيد في الوزن، اول حاجة بتيجي في بالنا هي اننا نتجه للجراحة علشان بنفتكر انها الحل الأسرع لفقدان الحمل ده.
لكن جراحات السمنة مش بتكون دايمًا الاختيار الانسب والأول لحل مشكلة الوزن.
علشان تكون مُرشح انك تعمل العملية، في شروط واجراءات لازم تكون موجودة لضمان سلامتك وكمان لضمان افضل النتائج.
كل نوع جراحة ليها شروطها وإجراءاتها اللي هنتكلم عنها في المقال ده، وهتعرف هل انسبلك انك تاخد خطوة الجراحة ولا انك تلتزم بنظام غذائي وتمارين؟
ايه الفرق بين زيادة الوزن العادية والسمنة المفرطة المرضية؟
زيادة الوزن:
هي الدهون اللي بتتراكم في الجسم كله، وبتكون بسبب تناول كمية كبيرة من الطعام بشكل غير منتظم وبالتالي بندخل للجسم عدد زيادة من السعرات ،
زيادة الوزن دي بنقدر نشوفها لما بنقف على الميزان، أو لما الهدوم مقاسها يبدأ يتغير للأكبر.
اما السمنة المفرطة (المرضية):
نتيجة الاهمال في الوزن الزايد وبالتالي نسبة الدهون بتزيد بشكل أكبر وكتلة الجسم بتزيد عن المعدل الطبيعي، متسببة في أمراض ومضاعفات مزمنة وخطيرة. أصبحت السمنة المفرطة من أخطر أمراض العصر ومن أعراضها:
- وصول كتلة الجسم (BMI) إلي 35 أو أكثر
- ضيق شديد فى التنفس وخصوصًا عند القيام بالمجهود البدنى.
- ضربات القلب بتزيد مع حدوث مشاكل فى الرئة.
- التعرق الشديد.
- ألم شديد فى المفاصل والركبتين.
- التهابات جلدية متكررة.
- اضطراب فى الجهاز الهضمى وعسرالهضم والانتفاخ والإمساك،.. الخ
الأمراض الأكثر شيوعاً المصاحبة للسمنة المفرطة:
- داء السكري
- أمراض القلب
- ارتفاع الكوليسترول
- اضطراب الصحة الإنجابية لدى المرأة
- توقف التنفس أثناء النوم
- هشاشة العظام وآلام المفاصل
- الاكتئاب
ايه الشروط اللازمة لإجراء جراحات السمنة بشكل عام؟
التدخل الجراحي مش دايمًا بيكون أول حلول انقاص الوزن، لازم الأول نحاول اننا ننزل الوزن الزيادة بالوسائل الفعالة زي:
- الحمية الغذائية (الدايت)
- الرياضة
ولو فشلنا في أول حلين أوعندنا أمراض مصاحبة زي السكر من النوع التاني، أو ارتجاع المريء أوالضعط، ساعتها ممكن نلجأ لعمليات السمنة بعد استشارة الطبيب المختص.
ايه انواع جراحات السمنة؟ وايه الشروط اللازم توافرها لإجراء كل نوع؟
في نوعين أساسيين من جراحات السمنة وهما تكميم المعدة وتحويل مسارالمعدة ودول أشهر عمليتين ومعتمدين عالميًا
تكميم المعدة ليها كذا تقنية ومنها :
- التكميم بالمنظار
- التكميم البكيني
- التكميم المعدل
اما عملية تحويل المسار ليها نوعين وهما
- تحويل مسار كلاسيكي
- تحويل مسار مصغر
تكميم المعدة بالمنظار
- يتم إزالة حوالي 75% – 80% من حجم المعدة الأصلي علي طول انحنائها الأكبر
- في العملية دي، يتم ازالة جريلين هرمون(الهرمون المسؤول عن الجوع)
- كمان بيتم ازالة كل الزايد من المعدة عن طريق أنبوبة القياس
- الحالة بعد التكميم، بتفقد على الأقل 70% من وزن الجسم الزائد خلال 12 شهر
التكميم المعدل:
عبارة عن نفس الخطوات اللي بتتم من خلالها عملية تكميم المعدة التقليدية، وبعدها بيتم وضع حلقة مصنوعة من مادة السيليكون (Minimizer Ring) حول المعدة
العملية دي تصلح للأوزان الكبيرة اللي بتكون فوق ال170 كيلو
تكميم البكيني:
هي عبارة عن عملية تكميم المعدة عند خط البكيني، و تتميز بأن آثار الجراحة غير ظاهرة للعين.
المرشحون لعملية تكميم المعدة :
- أن يكون مؤشر كتلة الجسم BMI أعلي من 35
- الحالات اللي بتعاني من الأمراض المصاحبة للسمنة، زي ارتفاع ضغط الدم ومرض السكري من النوع التاني، وانقطاع التنفس أثناء النوم
تحويل مسار المعدة المصغر:
يتم ربط الجزء الأصغر من المعدة مع الأمعاء الدقيقة، علشان حجم المعدة اللي يقدر يستقبل الطعام يكون أقل، أما تخطي جزء من الأمعاء الدقيقة فهدفه تقليل نسبة امتصاص الطعام.
المرشحون:
- ان يكون مؤشر كتلة الجسم BMI أعلى من 35
- ان يكون مريض السمنة يعاني من مرض السكر من النوع الثاني (العنيد) وده معناه ان تحليل التراكمي بتكون نسبته عالية حتى بعد الالتزام بالعلاج.. او المصابون بمرض الارتجاع المريئ المزمن.
تحويل مسار المعدة الكلاسيكي:
- عمل جيب صغير من المعدة يتم فصله عن باقي المعدة والاثني عشر
- وبعدها، تخطي جزء من الامعاء وتوصيله بالجيب الجديد
- واخيرًا، توصيل الامعاء ببعض لتقليل ارتجاع العصارة الصفراوية
المرشحون:
- ان يكون مؤشر كتلة الجسم BMI أعلى من 35
- لو كان مريض السمنة يعاني من مرض السكر من النوع التاني وارتجاع المريء المزمن (أعلي الدرجات)
على أي أساس بيتم اختيار وتحديد نوع العملية للمريض؟
الدكتورهواللي بيحدد نوع العملية المناسبة للحالة وده بيكون عن طريق:
- معرفة التاريخ المرضي للحالة
- معرفة الأمراض المصاحبة للسمنة ونوع العلاج اللي الحالة بتاخده
- معرفة سلوكيات المريض
هل في اختبارات طبية بتتعمل قبل وبعد تحديد نوع العملية؟
طبيعي ان الطبيب بيطلب من المريض يعمل عدد من التحاليل والأشعة علشان يطمئن انه جاهز ومؤهل للجراحة زي:
- رسم القلب
- بعض الفحوصات المعملية وهي:
- تحليل صورة دم كاملة
- تحليل سرعة نزيف وتجلط وبروثرمين
- تحليل يوريا ووظائف كبد
- تحليل سكر صائم وتراكمي
- تحليل كوليسترول ودهون ثلاثية
- تحليل هرمونات غدة درقية
- تحليل فيروسات كبد
- بعض الأشعات وهي :
- أشعة موجات صوتية على البطن والحوض (سونار)
- أشعة موجات صوتية على القلب (ايكو)
أيًا كان اختيار العملية المناسب لجسمك، دور المنظومة السليمة هو اللي بيوصلك لبر الأمان،
من حيث المتابعة قبل وبعد الجراحة، خبرة الجراح وفريقه الطبي وكمان الأدوات المستخدمة; جودتها واستعمالها مرة واحدة بس.
احنا في مركز د. محمد هاني عاشور لجراحات السمنة المفرطة، بنوفرلك كل جديد لراحتك ولأمانك و كمان معاك فريق طبي على أعلى مستوى يتكون من جراح (د.محمد هاني عاشور)، مساعد جراح، وأخصائيين التغذية، النفسية، الغدد الصماء، الطب الباطني، والجلدية هيكونوا معاك من أول الكشف، وبعد الجراحة هيتابعوا معاك لحد ما توصل لهدفك
كمان مركزنا واحد من المراكز القليلة المعتمدة في جمهورية مصر العربية من الاتحاد الدولي لجراحات السمنة والاضطرابات الأيضية (IFSO)
وبنحرص دايمًا على تقديم أفضل الخدمات، من ضمنها وجودنا في أكتر من مستشفى وأكثر من محافظة، كورس الفيتامينات المجاني بعد الجراحة وكمان المتابعة أونلاين وفي العيادة مع أكتر من تخصص (نفسية، تغذية، جلدية، غدد صماء) لضمان رحلة نزول وزن آمنة وناجحة.
