ليه لازم نتابع بعد جراحات السمنة؟
جراحات السمنة المفرطة ساعات بتكون الحل الأمثل لعلاج الوزن الزائد والأمراض المتعلقة بيه، زي مرض السكر من النوع الثاني وارتفاع ضغط الدم وتصلب الشرايين.
مشوار فقدان الوزن مابينتهيش في غرفة العمليات، لكن دي بتكون بدايته.
وعلشان مشوارك الصحي يكمل، لازم يكون معاك رفيق الدرب اللي هيرشدك للطريق الصح في رحلتك، ويكون معاك خطوة بخطوة لحد ما توصل لهدفك بأمان ومن غير أي مضاعفات.. ورفيق دربك في الرحلة دي هيكون فريقك الطبي والمتابعة هتكون معاهم في كل مرحلة من مراحل خسارة الوزن.
ازاي بتتم المتابعة بعد الجراحة؟
اول لما المريض يخرج من غرفة العمليات لغرفة تانية في المستشفى، بيمر عليه مساعد الجراح علشان يطمن على الوظائف الحيوية وبيديله التعليمات الخاصة لشرب السوائل.
بيفضل المريض تحت المراقبة لمدة يومين ويخرج من المستشفى تالت يوم.
حد من فريق التغذية بيتواصل معاه يوميًا علشان يشوف كمية السوائل اللي بيشربها ويطمن على حركته ودرجة حرارته وبيتبعتله كل يوم نظام لازم يلتزم بيه، النظام ده مكون من سوائل شفافة بتتحول تدريجيًا لسوائل أتقل زي العصائر والشوربة، بعدها بيتنقل للأكل الشبه لين وأخيرا بينتقل للأكل الشبه صلب.
وبيتم متابعة تمرينات التنفس، ودرجة حرارة جسم المريض وكمان بيبتدي تدخيل الأكل تدرجيَا.
مع بداية اليوم العاشر بيتبعت للمريض من خلال برنامج الـ whatsapp النظام الغذائي للاسبوع التاني والتالت والرابع علشان يفضل ملتزم.
في الاسبوع الثالت بيتم التواصل مع المريض لتحديد ميعاد متابعة مع د. محمد هاني عاشور للأطمئنان علي أموره العامة والجروح وأخذ فيتامينات تكفي لمدة ٣ أشهر وهي الفترة الأولى بعد الجراحة ولازم يبدأ الكورس ده في الشهر التاني من الجراحة
ايه هي أهمية المتابعة الغذائية؟
المتابعة الغذائية لها دور في المحافظة على الوزن الجديد وفي نفس الوقت الحماية من أي مضاعفات، وأهم وسيلة للمحافظة على الوزن الصحي هي تغيير عادات الأكل والعادات الحياتية قبل الجراحة بأخرى جديدة وصحية.
ايه هي أهمية المتابعة النفسية؟
الهدف من الدعم النفسي في وقت التخلص من الوزن الزائد هو تغيير العادات اللي أدت لزيادة الوزن لعادات جديدة ونظام حياة صحي دائم ومستقر وكمان معالجة الاضطرابات النفسية الناتجة عن نزول الوزن وتقليل كميات الطعام.
ايه دورأخصائيين الطب النفسي والسلوكي بعد جراحات السمنة؟
- المساعدة في انك تكتشف الأسباب النفسية وراء “الأكل العاطفي” وارتباط المشاعر بالأكل.
- اكتشاف الأسباب اللي بتخليك تهمل صحتك وشكلك (نظرتك الداخلية لنفسك).
- اكتشاف الأفكار والمفاهيم الخاطئة عن السمنة وتصحيحها.
- اكتشاف هوايات واهتمامات جديدة بدل الأكل.
- المساعدة في أنك تدرك مشاعرك بشكل أفضل.
- المساعدة في فهم جسمك وتقبلة أكتر وإدراك متطلباته.
ايه المتابعات الإضافية الموجودة في مركز د.محمد هاني عاشور؟
في مركز د.محمد هاني عاشور لجراحات السمنة المفرطة، احنا بنتابع معاك في كل التخصصات علشان نضمن لك رحلة آمنة لإنقاص وزنك ومن ضمن التخصصات دي:
- المتابعة مع أخصائي الباطنة :
الأمراض المزمنة زي السكر وأمراض ضغط الدم من المشاكل الرئيسية اللي ممكن توقف طريقك في رحلة التغيير الصحي. في مركز دكتور محمد هاني عاشور، بنوفرلك طبيب الباطنة اللي هيكون معاك في كل خطوة قبل وأثناء وبعد جراحة السمنة. عن طريق الكشف قبل وبعد الجراحة علشان نتجنب أي مضاعفات في صحتك!
- المتابعة مع أخصائي الغدد الصماء:
أخصائي الغدد الصماء هيكون معاك في رحلتك لتشخيص وعلاج الأمراض زي السكر وأمراض الغدة الدرقية واضطرابات التمثيل الغذائي والغدة النخامية المنتجة للهرمونات.
- المتابعة مع أخصائي الجلدية والتجميل:
أخصائي الجلدية والتجميل هيكونوا معاك عن طريق حل المشاكل الجلدية اللي ممكن تواجهك بعد فقدان الوزن، زي ترهل الجلد، والتصبغات ومشكلة سقوط الشعر.
في مركز د. محمد هاني عاشور لجراحات السمنة المفرطة، بنوفرلك فريق طبي متكامل على أعلى المستويات عشان يكون معاك طول رحلتك لإنقاص وزنك ومتابعتك هتكون في كل التخصصات مش التغذية والنفسية بس.
ولأن المتابعة فعلًا مهمة، وفرنالك خدمة المتابعة الأونلاين، من اي مكان في العالم عشان نكون على تواصل دائم بيك.
فريق طبي متكامل.. معاك في كل خطوة
