السمنة المفرطة والإنجاب والحمل
وجود طفل في البيت هو حلم كل أسرة، مفيش فرحة أجمل من وصول مولود جديد للحياة.
معظم السيدات بيعانوا من تأخر الحمل ومشاكل تانية كتيرة، تفتكروا زيادة الوزن والسمنة المفرطة ليها دور في مشاكل العقم والإنجاب؟
خلينا نقول ان العلاقة بين السمنة والحمل علاقة عكسية، لما وزنك بيكون صحي، فرصة حدوث الحمل بتكون أكبر والعكس صحيح.
بالتالي، السمنة المفرطة ليها دور كبير في تأخير حدوث الحمل بسبب ضعف عمل المبايض تحت تأثير الوزن الزايد.
في دراسة هولندية أثبتت ان فرصة الحمل بتقل لو كان مؤشر كتلة الجسم أعلى من 29، وده لأن الخصوبة بتنخفض بنسبة 4%، والدهون بتفرز هرمونات بتأثر على بطانة الرحم وبتزَود اضطرابات الدورة الشهرية. كمان السيدات اللي بيعانوا من السمنة المفرطة هم أكثر عرضة لتكيس المبايض اللي بيؤدي لعدم انتظام الدورة الشهرية وتأخر الانجاب.
وفوق كل ده، الدهون الزيادة في الجسم بشكل عام بتسبب إلتهاب مزمن بيضر كل أجهزة الجسم الحيوية زي الكبد والكلى، فـ بتؤدي لإضطرابات فى الغدة الدرقية وبالتالي تأخر الانجاب وعدم اتزان الهرمونات.
وبالرغم من كل ده، هل ممكن يحصل حمل في حالة السمنة المفرطة؟ اه ممكن، بس بمضاعفات ومشاكل كتير لصحتك وصحة الجنين.
مخاوف الوزن الزائد في فترة الحمل:
- الإجهاض: السمنة ليها تأثير كبيرعلى جودة البويضات، فـ بالتالي احتمالية الإجهاض بتكون أعلي.
- مضاعفات الحمل: مضاعفات وتعب الحمل بيكونوا زيادة في حالات السمنة المفرطة، زي ارتفاع ضغط الدم وأمراض الغدة الدرقية، اضطرابات القلب أو الدم، والربو الخارج عن السيطرة.
- الولادة القيصرية: بسبب السمنة المفرطة، احتمالية الولادة الطبيعية هتقل بسبب صعوبتها، وهيكون حل الولادة الوحيد هي القيصرية وتدخل الجراحة.
وحتى بعد وصول الطفل للحياة، تأثير السمنة المفرطة وقت الحمل بيضر حياة المولود الجديد وبتسبب له مشاكل صحية هو في غني عنها.
تأثير السمنة المفرطة علي الجنين:
- لعملقة: الطفل هيتولد وزنه زيادة عن الطبيعي، وده بسبب ان جسمه فيه كمية دهون بنسبة تفوق النسبة الطبيعية، وده معناه انه هيعاني من مخاطر السمنة في مرحلة الطفولة.
- الحالات المرضية المزمنة: سمنة الأم المفرطة وقت الحمل، هتنقل للطفل بعض الأمراض المزمنة زي داء السكري وأمراض القلب لما يوصل لمرحلة البلوغ.
امتى نقول ان جراحات السمنة هي الحل في مشكلة صعوبة الحمل؟
- لو كان مؤشر كتلة الجسم أعلى من 35
- لو النظام الغذائي مش بيأثر بشكل سليم وصحي
ايه الوقت المناسب للحمل بعد اجراء جراحات السمنة؟
التوقيت المناسب للتفكير بقرار الحمل هو بعد مرور سنة من إجراء جراحة السمنة، بحيث يكون الجسم وصل للوزن المثالي وتكوني قادرة تتابعي نظام غذائي مفيد ليكي وللجنين.
السمنة مش بس بتأثر على الشكل الخارجي، دي بتأثر على حياتك وبتهدد حياة أولادك ومستقبلهم.
شيلي الحمل الزيادة عن جسمك وحياتك…انتي تستحقي حياة صحية من غير تعب وأمراض.
