نعمل ايه لو وزننا رجع يزيد تاني؟
بنسمع كتير عن حالات عملت جراحات سمنة وموصلتش للنتيجة المرجوة، سواء كانت نزول في الوزن أوالتخلص من أمراض معينة كانت السمنة السبب فيها.
وفي حالات تانية، بعد الجراحة بترجع تزيد في الوزن وبيحصلها مضاعفات صحية.
تفتكروا ايه السبب في ان الجراحة تفشل؟ وهل الجراحات التصحيحية هي الحل لكل حالات الارتداد في الوزن؟
في المقال ده هنتكلم عن ايه هي الجراحات التصحيحية، مين المرشحين ليها وازاي نمنع الجراحة الأولية من الفشل.
ايه هي الجراحات التصحيحية؟
صنفت الجمعية الامريكية لجراحة السمنة والتمثيل الغذائي إعادة الجراحة لثلاثة أقسام: 1- تغيير نوع العملية 2- تصحيح العملية 3- أو الإجراءات العكسية (إرجاع الوضع كأن العملية لم تكن).
امتى نلجأ لكل نوع من أنواع الجراحات التصحيحية؟
- بنلجأ للجراحات التحويلية لما يكون في مضاعفات بعد الجراحة، كمان لما استجابة الجسم للعملية الأولية والنتايج بتكون غير كافية.
- يتم اللجوء للجراحات التصحيحية لما تكون العمليات الجراحية الأولية قد تمت بشكل غير مهني وتسببت في مضاعفات.
- يلزم حدوث إجراءات عكسية عند تسبب الجراحة الأولية في ضرر للحالة كـ سوء التغذية.
ليه بنزيد في الوزن بعد الجراحة؟ وليه الجراحة الأولية بتفشل؟
في أكتر من سبب يخلي الوزن يرتد ويزيد بعد الجراحة، من ضمنها:
- عدم التزام الحالة بالمتابعات بعد الجراحة، سواء كانت متابعات تغذية أو نفسية.
- عدم التزام الحالة بنوعية الأكل الصحي واللجوء للأطعمة الغير صحية زي السكريات والحلويات والمشروبات الغازية والمقرمشات وكميات الأكل الكبيرة.
هل أي حالة بتزيد في الوزن بتكون مرشحة للعمليات التصحيحية؟
مش كل الحالات لما بتزيد في الوزن بيكون حلها الجراحات التصحيحية
لأن ممكن ننزل في الوزن المرتد عن طريق المواظبة على المتابعات والالتزام بالنظام الغذائي المخصص لنا.
ولكن في حالات تتطلب ضرورة اجراء الجراحات دي، من ضمنها:
عدم نزول الحالة في الوزن على الرغم من الالتزام بالنظام الغذائي المخصص لها، والزيادة بتكون غير مبررة.
وجود مضاعفات في المعدة
وجود أعراض غير محتملة من الارتجاع المريئي.
لو تواجدت عندنا الأعراض دي، لازم نعمل أشعة مقطعية مجسمة علي المعدة للتأكد من وجود فشل في الجراحة الأولية وبالتالي نلجأ للجراحات التصحيحية.
نعرف ازاي ان العملية اللي فاتت فشلت؟ هل في مؤشرات تانية غير الارتداد في الوزن؟
و زيادة الوزن أو ارتداده تسببت في الإصابة بأمراض التمثيل الغذائي اللي من أعراضها ارتفاع ضغط الدم، وارتفاع نسبة السكر في الدم، وزيادة الدهون في الجسم، ومستويات غير طبيعية من الكوليسترول أو الدهون الثلاثية.
نعمل ايه عشان نحافظ على الجراحة بدون تصحيح؟
- ختيار المنظومة الصحيحة واختيار جراح ذو خبرة علشان يعرف يحدد نوع الجراحة المناسبة لكل حالة.
- الإلتزام بالمتابعات الغذائية والسلوكية بعد الجراحة.
- الإلتزام بالنظام الغذائي والتمارين الرياضية بعد الجراحة.
هل كل المراكز قادرة على تنفيذ العمليات دي؟
مش كل المراكز ولا كل الدكاترة قادرة علي النوع ده من العمليات، لأنها بتتطلب جراح ذو خبرة ومراكز بتستخدم أدوات مخصصة للنوع ده من الجراحات.
زور موقعنا علشان تعرف أكتر عن خدماتنا المميزة قبل، أثناء وبعد الجراحة وعلشان تعرف عن خبرتنا في الجراحات التصحيحية والحالات الصعبة
بنفكرك ان المتابعة جزء مهم في طريق تغير مسار حياتك للأحسن بعد الجراحة ،احجز جلسات المتابعة في العيادة في جميع التخصصات أو تقدر تحجز أونلاين من أي مكان في العالم في التخصصات التالية : تغذية – نفسية – غدد صماء – جلدية – تمرين أونلاين مع مدربين رياضيين
